ਜਿਸ ਸਮਾਜ ਦੀਆਂ ਨੂੰਹਾਂ ਧੀਆਂ ਖੁਸ਼ ਹਨ ਉਹ ਸਮਾਜ ਬਹੁਤ ਤਰੱਕੀ ਕਰਦਾ ਹੈ-ਡਾ.ਕੁਲਦੀਪ ਕੌਰ ਘੰਡ
ਸੰਜੀਵ ਜਿੰਦਲ / ਰੋਹਿਨ ਜਿੰਦਲ
ਮਾਨਸਾ, 17 ਅਗਸਤ ( ਪ੍ਰਾਈਮ ਪੋਸਟ ਪੰਜਾਬ ) : ਪੀਬੀ-31 ਸਭਿਆਚਾਰ ਅਤੇ ਸਪੋਰਟਸ ਕਲੱਬ ਜੋਗਾ ਜਿਲ੍ਹਾ ਮਾਨਸਾ ਵੱਲੋਂ ਹਰ ਸਾਲ ਦੀ ਤਰਾਂ ਇਸ ਸਾਲ ਵੀ ਸਾਉਣ ਮਹੀਂਨੇ ਵਿੱਚ ਨੂੰਹਾਂ ਅਤੇ ਧੀਆਂ ਵੱਲੋ ਮਨਾਏ ਜਾਂਦੇ ਤੀਆਂ ਤੀਜ ਦੀਆਂ ਨੂੰ ਪਿੰਡ ਜੋਗਾ ਦੇ ਸਰਕਾਰੀ ਸੀਨੀਅਰ ਸੰਕੈਡਰੀ ਸਕੂਲ਼ (ਲੜਕੀਆਂ)ਜੋਗਾ ਵਿੱਚ ਸ਼ਾਨੋ ਸ਼ੋਕਤ ਨਾਲ ਮਨਾਇਆ ਗਿਆ।ਜਗਦੇਵ ਮਾਂਹੂ ਪ੍ਰਧਾਨ ਪੀ.ਬੀ 31 ਕਲੱਬ ਜੋਗਾ ਦੀ ਦੇਖਰੇਖ ਹੇਠ ਕਰਵਾਏ ਗਏ ਇਸ ਨੂੰਹਾਂ ਧੀਆਂ ਦੇ ਮੇਲੇ ਦੇ ਦੋਨੋ ਦਿਨ ਪਿੰਡ ਦੀਆਂ ਨੂੰਹਾਂ ਧੀਆਂ ਨੇ ਗਿੱਧਾ ਭੰਗੜਾ ਪਾਕੇ ਆਪਣੇ ਚਾਅ ਮੁਲਾਰ ਪੂਰੇ ਕੀਤੇ।ਇਸ ਮੇਲੇ ਦੀ ਵਿਸ਼ੇਸ਼ਤਾ ਇਹ ਸੀ ਕਿ ਲੜਕੀਆਂ ਦੇ ਗਿੱਧੇ ਅਤੇ ਵੱਖ ਵੱਖ ਮੁਕਾਬਿਲਆਂ ਲਈ ਬਣਾਏ ਪੰਡਾਲ ਦਾ ਨਾਂਮ ਵੀ ਵਿਹੜਾ ਸ਼ਗਨਾਂ ਦਾ ਅਤੇ ਮਹਿੰਦੀ ਰੱਖਿਆ ਗਿਆ ਸੀ।ਇਸ ਮੌਕੇ ਨੂੰਹਾਂ ਅਤੇ ਧੀਆਂ ਦੇ ਪੁਰਾਤਨ ਪਹਿਰਾਵੇ ਦੇ ਮੁਕਾਬਲੇ ਕਰਵਾਏ ਗਏ।ਧੀਆਂ ਦੇ ਸੀਨੀਅਰ ਵਰਗ ਵਿੱਚ ਅਰਸ਼ਦੀਪ ਕੌਰ ਨੇ ਪਹਿਲਾ ਰਾਜਬੀਰ ਕੌਰ ਨੇ ਦੂਸਰਾ ਅਤੇ ਜਸਪ੍ਰੀਤ ਕੌਰ ਨੇ ਤੀਸਰਾ ਸਥਾਨ ਪ੍ਰਾਪਤ ਕੀਤਾ।
ਧੀਆਂ ਦੇ ਹੀ ਜੂਨੀਅਰ ਵਰਗ ਵਿੱਚ ਪਹਿਲੇ ਸਥਾਨ ਦੀ ਬਾਜੀ ਮਾਰਨ ਵਿੱਚ ਮੰਨਤ ਕੌਰ ਸਫਲ ਰਹੀ ਮਨਜੋਤ ਕੌਰ ਅਤੇ ਅਰਸ਼ਦੀਪ ਕੌਰ ਨੂੰ ਦੂਸਰੇ ਅਤੇ ਤੀਸਰੇ ਸਥਾਨ ਤੇ ਰਹੇ । ਨੂੰਹਾਂ ਦੇ ਕਰਵਾਏ ਪੁਰਾਤਨ ਪਹਿਰਾਵੇ ਦੇ ਮੁਕਾਬਿਲਆਂ ਵਿੱਚ ਹਰਪ੍ਰੀਤ ਕੌਰ ਨੇ ਪਹਿਲਾ ਪਰਮਜੀਤ ਕੌਰ ਨੇ ਦੂਸਰਾ ਅਤੇ ਤੀਸਰੇ ਸਥਾਨ ਲਈ ਜਸਬੀਰ ਕੌਰ ਅਤੇ ਰਾਜਵਿੰਦਰ ਕੌਰ ਨੂੰ ਸਾਂਝੇ ਤੌਰ ਤੇ ਜੇਤੂ ਐਲਾਨਿਆ ਗਿਆ। ਜੇਤੂਆਂ ਨੂੰ ਇਨਾਮ ਵੰਡਣ ਦੀ ਰਸਮ ਡਾ.ਕੁਲਦੀਪ ਕੌਰ ਘੰਡ ਨੇ ਅਦਾ ਕੀਤੀ ਉਹਨਾਂ ਇਸ ਮੌਕੇ ਜੇਤੂਆਂ ਨੂੰ ਵਧਾਈ ਦਿਦਿੰਆਂ ਕਿਹਾ ਕਿ ਨੂੰਹਾਂ ਧੀਆਂ ਦਾ ਇਕੱਠੇ ਹੋਕੇ ਖੁਸ਼ੀ ਦਾ ਪ੍ਰਗਟਾਵਾ ਕਰਨਾ ਸਮਾਜ ਲਈ ਸੁੱਭ ਸੰਕੇਤ ਹੁੰਦਾ ਹੈ।
ਡਾ,ਘੰਡ ਨੇ ਕਿਹਾ ਕਿ ਲੜਕੀਆਂ ਨੇ ਸਮਾਜ ਦੇ ਹਰ ਖੇਤਰ ਵਿੱਚ ਤਰੱਕੀ ਕੀਤੀ ਹੈ ਅਤੇ ਅੱਜ ਸਰਹੱਦਾਂ ਤੇ ਵੀ ਲੜਕੀਆਂ ਦੇਸ਼ ਦੀ ਹਿਫਾਜਤ ਕਰ ਰਹੀਆਂ ਹਨ ਅਤੇ ਅਮਨ ਕਾਨੂੰਨ ਦੀ ਰਾਖੀ ਕਰਨ ਦੀ ਵਾਗਡੋਰ ਵੀ ਸੰਭਾਲ ਰਹੀਆ ਹਨ।ਮੰਚ ਸੰਚਾਲਨ ਦੀ ਜਿੰਮੇਵਾਰੀ ਪੰਜਾਬ ਦੇ ਪ੍ਰਸਿਧ ਲੋਕ ਗਾਇਕ ਹਰਜੀਤ ਜੋਗਾ ਨੇ ਨਿਭਾਈ ਉਸ ਨੇ ਆਪਣੇ ਸਭਿਆਚਾਰ ਸ਼ਬਦਾਂ ਨਾਲ ਦੋਨੋ ਦਿਨ ਮੇਲੇ ਦਾ ਚੰਗਾਂ ਰੰਗ ਬਣਿਆ।
ਇਸ ਮੇਲੇ ਵਿੱਚ ਮੈਡਮ ਜੋਬਨਪ੍ਰੀਤ ਕੌਰ ਬਿਊਟੀ ਪਾਰਲਰ ਸੈਂਟਰ ਜੋਗਾ ਵੱਲੋਂ ਸਪਨਾ ਅਤੇ ਉਸ ਦੀ ਟੀਮ ਵੱਲੋਂ ਮੁਫਤ ਮਹਿੰਦੀ ਲਗਾਈ ਗਈ।ਤੀਆਂ ਦੇ ਮੇਲੇ ਦੇ ਪਹਿਲੇ ਦਿਨ ਦਾ ਉਦਘਾਟਨ ਪਰਮਜੀਤ ਕੌਰ ਅਤੇ ਜਗਤਾਰ ਦਿਊਲ ਨੇ ਰਿਬਨ ਕੱਟ ਕੇ ਕੀਤਾ।ਪਹਿਲੇ ਦਿਨ ਗੁਰਵਿੰਦਰ ਸਿੰਘ ਅਤੇ ਸਰਬਜੀਤ ਕੌਰ ਨੂੰ ਕ੍ਰਮਵਾਰ ਕਿੰਗ ਅਤੇ ਕੁਈਨ ਬਣਾਇਆ ਗਿਆ।ਦੂਸਰੇ ਦਿਨ ਕਿੰਗ ਕੁਈਨ ਦੀ ਜਿੰਮੇਵਾਰੀ ਸ਼ਸ਼ੀਪਾਲ ਅਤੇ ਸ਼ੈਲੀ ਨੂੰ ਦਿੱਤੀ ਗਈ।
ਇਸ ਮੌਕੇ ਨਹਿਰੂ ਯੂਵਾ ਕੇਂਦਰ ਮਾਨਸਾ ਦੇ ਲੇਖਾ ਅਤੇ ਪ੍ਰੋਗਰਾਮ ਸੁਪਰਵਾਈਜਰ ਡਾ.ਸੰਦੀਪ ਘੰਡ, ਕਾਮਰੇਡ ਗੁਰਮੀਤ ਸਿੰਘ ,ਕੇਵਲ ਸਿੰਘ ਸਾਬਕਾ ਐਮ.ਸੀ.ਗੁਰਮੇਲ ਕੌਰ,ਸੁੱਖਾ ਸਿੰਘ,ਡਾ.ਸੱਤਪਾਲ ਸਿੰਘ ਰਜਿੰਦਰ ਮਿੰਟੂ,ਪਰਮਜੀਤ ਕੌਰ ਸਮੂਹ ਮਿਊਸਪਲ ਕਮਿਸ਼ਂਨਰ ਜੋਗਾ ਜਸਬੀਰ ਸਿੰਘ ਸੰਮੀ ਕੋਚ ਨੇ ਵੀ ਸ਼ਮੂਲੀਅਤ ਕੀਤੀ ਅਤੇ ਕਲੱਬ ਵੱਲੋਂ ਕੀਤੇ ਯਤਨਾਂ ਦੀ ਸ਼ਲ਼ਾਘਾ ਕੀਤੀ।
ਸਮਾਗਮ ਨੂੰ ਸਫਲ਼ ਕਰਨ ਲਈ ਯੂਥ ਕਲੱਬ ਦੇ ਜਗਤਾਰ ਸ਼ਰਮਾਂ ਮੀਤ ਪ੍ਰਧਾਨ ਹਰਜੀਤ ਜੋਗਾ ਪ੍ਰੇਸ ਸਕੱਤਰ ਇਸਮੀਤ ਦਿਉਲ ਜਨਰਲ ਸਕੱਤਰ,ਡਾ.ਗਗਨ ਖਜਾਨਚੀ,ਗੁਰਦੀਪ ਦਿਉਲ ਸਕੱਤਰ ਜੁਗਰਾਜ ਸਿਧੂ ਮੁੱਖ ਸਲਾਹਕਾਰ ਡਾ.ਭਿੰਦਰ ਸਲਾਹਕਾਰ.ਮੀਤ ਡੀਜੇ ਸਲਾਹਕਾਰ ਅਮਰੀਕ ਸਿੰਘ ਅਸ਼ੋਕ ਕੁਮਾਰ,ਦੀਪ ਸੁਖਵਿੰਦਰ ਸਿੰਘ ,ਜਸਪ੍ਰੀਤ ਸਿੰਘ, ਹੁਸਨ ਚਹਿਲ, ਹਰਪ੍ਰੀਤ ਸਿੰਘ, ਜੋਬਨਪ੍ਰੀਤ ਸਿੰਘ, ਗੁਰਪ੍ਰੀਤ ਸਿੰਘ ਰਾਣਾ ਸਟੂਡੀਓ , ਜਸਬੀਰ ਸਿੰਘ ਕੋਚ ਦਾ ਰੋਲ ਸ਼ਲ਼ਾਘਾਯੋਗ ਰਿਹਾ।
