ਸੰਜੀਵ ਜਿੰਦਲ
ਮਾਨਸਾ,12 ਅਪ੍ਰੈਲ : ਸਥਾਨਕਡੀਏਵੀ ਸਕੂਲ ਵਿੱਚ “ਲਰਨ ਟੂ ਅਰਨ” ਦੇ ਤਹਿਤ ਵਨ ਡੇ ਮਾਰਕੀਟ ਦਾ ਆਯੋਜਨ ਕੀਤਾ ਗਿਆ। ਇਸ ਮੌਕੇ ‘ਤੇ ਸਕੂਲ ਵਿੱਚ ਮੇਲੇ ਵਰਗਾ ਖੁਸ਼ੀ ਭਰਿਆ ਮਾਹੌਲ ਦੇਖਣ ਨੂੰ ਮਿਲਿਆ। 75 ਤੋਂ ਵੱਧ ਸਟਾਲ ਲਗਾਏ ਗਏ, ਜੋ ਬੱਚਿਆਂ ਨੇ ਆਪਣੇ ਆਪ ਤਿਆਰ ਕੀਤੇ ਸਨ।
ਇਸ ਪ੍ਰੋਗਰਾਮ ਦਾ ਮੁੱਖ ਮਕਸਦ ਬੱਚਿਆਂ ਨੂੰ ਵਪਾਰ ਦੀ ਬੁਨਿਆਦੀ ਜਾਣਕਾਰੀ ਦੇਣਾ ਸੀ। ਬੱਚਿਆਂ ਨੂੰ ਸਿਖਾਇਆ ਗਿਆ ਕਿ ਪੈਸਾ ਕਿਵੇਂ ਕਮਾਇਆ ਜਾਂਦਾ ਹੈ, ਕਿਵੇਂ ਬਚਾਇਆ ਜਾਂਦਾ ਹੈ ਅਤੇ ਕਿਵੇਂ ਸਮਝਦਾਰੀ ਨਾਲ ਖਰਚ ਅਤੇ ਨਿਵੇਸ਼ ਕੀਤਾ ਜਾਂਦਾ ਹੈ। ਬੱਚਿਆਂ ਨੇ ਆਪਣੇ ਨਵੇਂ-ਨਵੇਂ ਵਿਚਾਰਾਂ ਨਾਲ ਚੀਜ਼ਾਂ ਬਣਾਈਆਂ ਅਤੇ ਆਪਣੇ ਸਟਾਲਾਂ ‘ਤੇ ਵੇਚ ਕੇ ਕਮਾਈ ਵੀ ਕੀਤੀ।
ਮਾਰਕੀਟ ਵਿੱਚ ਖਾਣ-ਪੀਣ ਦੀਆਂ ਚੀਜ਼ਾਂ, ਹੱਥ ਨਾਲ ਬਣੀਆਂ ਵਸਤਾਂ, ਗੇਮ ਜ਼ੋਨ ਅਤੇ ਹੋਰ ਕਈ ਆਕਰਸ਼ਕ ਸਟਾਲ ਸਨ। ਇਹਨਾਂ ਸਟਾਲਾਂ ‘ਚ ਬੱਚਿਆਂ ਦੀ ਮਿਹਨਤ ਅਤੇ ਰਚਨਾਤਮਕਤਾ ਸਾਫ਼ ਨਜ਼ਰ ਆਈ ਅਤੇ ਸਭ ਨੇ ਇਨ੍ਹਾਂ ਦੀ ਪ੍ਰਸ਼ੰਸਾ ਕੀਤੀ।
ਕਾਰਜਕ੍ਰਮ ਨੂੰ ਹੋਰ ਵੀ ਦਿਲਚਸਪ ਬਣਾਉਣ ਲਈ ਲੱਕੀ ਡਰਾਅ ਵੀ ਕਰਵਾਇਆ ਗਿਆ। ਇਸ ਵਿੱਚ ਮਨੋਜ ਕੁਮਾਰ ਅਤੇ ਹਨੀ ਛਾਬੜਾ ਜੇਤੂ ਰਹੇ ਅਤੇ ਉਨ੍ਹਾਂ ਨੂੰ ਇਨਾਮ ਦਿੱਤੇ ਗਏ।
ਗਰੁੱਪ ਵਨ ਵਿੱਚ ਸਟਾਲ ਨੰਬਰ 51 ਦੇ ਭਵਿਆ ਸ਼ਰਮਾ, ਯੁਕਤੀ ਅਤੇ ਬਾਨੀ ਅਤੇ ਗਰੁੱਪ ਟੂ ਵਿੱਚ ਸਟਾਲ ਨੰਬਰ 5 ਦੇ ਨੂਰ ਅਤੇ ਸ਼ਿਵਾਂਸ਼ ਨੂੰ ਉਨ੍ਹਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਲਈ ਸਨਮਾਨਿਤ ਕੀਤਾ ਗਿਆ।
ਇਸ ਮੌਕੇ ‘ਤੇ ਬੱਚਿਆਂ ਨੇ ਵੱਡੇ ਉਤਸ਼ਾਹ ਨਾਲ ਹਿੱਸਾ ਲਿਆ। ਮਾਤਾ-ਪਿਤਾ ਅਤੇ ਹੋਰ ਲੋਕ ਵੀ ਵੱਡੀ ਗਿਣਤੀ ਵਿੱਚ ਪਹੁੰਚੇ, ਜਿਸ ਨਾਲ ਪੂਰਾ ਮਾਹੌਲ ਖੁਸ਼ੀ ਅਤੇ ਉਤਸ਼ਾਹ ਨਾਲ ਭਰ ਗਿਆ।
ਅੰਤ ਵਿੱਚ ਸਕੂਲ ਪ੍ਰਿੰਸੀਪਲ ਵਿਨੋਦ ਰਾਣਾ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਪ੍ਰੋਗਰਾਮ ਬੱਚਿਆਂ ਲਈ ਬਹੁਤ ਲਾਭਦਾਇਕ ਹੁੰਦੇ ਹਨ। ਉਨ੍ਹਾਂ ਨੇ ਬੱਚਿਆਂ ਨੂੰ ਮਿਹਨਤ ਕਰਨ, ਪੈਸੇ ਦੀ ਕਦਰ ਕਰਨ ਅਤੇ ਆਪਣੇ ਭਵਿੱਖ ਨੂੰ ਮਜ਼ਬੂਤ ਬਣਾਉਣ ਲਈ ਪ੍ਰੇਰਿਤ ਕੀਤਾ।
