ਸੰਜੀਵ ਜਿੰਦਲ
ਮਾਨਸਾ, 3 ਅਪ੍ਰੈਲ 2023 – ਜੇਲ੍ਹ ਤੋਂ ਰਿਹਾਅ ਹੋਣ ਤੋਂ ਬਾਅਦ ਕਾਂਗਰਸ ਦੇ ਸਾਬਕਾ ਪੰਜਾਬ ਪ੍ਰਧਾਨ ਨਵਜੋਤ ਸਿੱਧੂ ਅੱਜ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਮਾਤਾ-ਪਿਤਾ ਨਾਲ ਅਫਸੋਸ ਕਰਨ ਲਈ ਮੂਸੇ ਵਾਲਾ ਦੇ ਘਰ ਪਹੁੰਚੇ l
ਪੰਜਾਬ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਨਵਜੋਤ ਸਿੱਧੂ ਨੇ ਕਿਹਾ ਕਿ ਸਿੱਧੂ ਮੂਸੇਵਾਲਾ ਦੀ ਸੁਰੱਖਿਆ Z+ ਤੋਂ ਘਟਾ ਕੇ Y+ ਕਰਨ ‘ਤੇ ਕਿਹਾ ਕਿ ਮੇਰੇ ਨਾਲ ਵੀ ਉਹੀ ਹੋ ਰਿਹਾ ਹੈ। ਉਹ ਚਾਹੁੰਦੇ ਹਨ ਕਿ ਮੈਂ ਨਿਰਾਸ਼ ਹੋਵਾਂ ਅਤੇ ਘਰ ਤੋਂ ਬਾਹਰ ਨਾ ਜਾਵਾਂ। ਮੈਂ ਆਪਣਾ ਸੀਨਾ ਠੋਕ ਕੇ ਆਖਦਾ ਹਾਂ, ਮੈਂ ਮੌਤ ਤੋਂ ਨਹੀਂ ਡਰਦਾ। ਮੈਂ ਲਾਭ ਅਤੇ ਨੁਕਸਾਨ ਤੋਂ ਉੱਪਰ ਹਾਂ। ਮੇਰੀ ਸੁਰੱਖਿਆ ਵਾਪਸ ਲੈ ਕੇ ਮੈਨੂੰ ਚੁੱਪ ਨਹੀਂ ਕਰਵਾਇਆ ਜਾ ਸਕਦਾ ।
ਉਹਨ੍ਹਾਂ ਕਿਹਾ ਕਿ ਬੁਲੇਟ ਪਰੂਫ ਗੱਡੀਆਂ ਵਾਪਸ ਲੈ ਕੇ ਸੱਚ ਦੀ ਆਵਾਜ਼ ਨੂੰ ਦਬਾਇਆ ਨਹੀਂ ਜਾ ਸਕਦਾ। ਜੇਲ ਤੋਂ ਬਾਹਰ ਆਉਣ ਤੋਂ ਬਾਅਦ ਸਿੱਧੂ ਪਿੰਡ ਮੂਸੇਵਾਲਾ ਪਹੁੰਚੇ ਸਨ। ਜਿੱਥੇ ਉਸ ਨੇ ਮੂਸੇਵਾਲਾ ਦੇ ਪਿਤਾ ਬਲਕੌਰ ਸਿੰਘ ਅਤੇ ਮਾਤਾ ਚਰਨ ਕੌਰ ਨਾਲ ਕਰੀਬ 2 ਘੰਟੇ ਗੱਲਬਾਤ ਕੀਤੀ।
ਉਨ੍ਹਾਂ ਕਿਹਾ ਕਿ ਕੌਣ ਹਨ ਗੈਂਗਸਟਰ ? ਗੈਂਗਸਟਰ ਸਾਡੇ ਹੀ ਗੁੰਮਰਾਹ ਨੌਜਵਾਨ ਹਨ ਜੋ ਜੇਲ੍ਹਾਂ ਵਿੱਚ ਬੰਦ ਹਨ। ਜਿਨ੍ਹਾਂ ਦੀ ਵਰਤੋਂ ਕੀਤੀ ਜਾ ਰਹੀ ਹੈ। ਭਟਕੇ ਹੋਏ ਲੋਕਾਂ ਨੂੰ ਵਾਪਸ ਲਿਆਇਆ ਜਾ ਸਕਦਾ ਹੈ, ਪਰ ਜੇ ਉਨ੍ਹਾਂ ਦੀ ਵਰਤੋਂ ਬੰਦ ਕਰ ਦਿੱਤੀ ਜਾਵੇ। ਇਨ੍ਹਾਂ ਪਿੱਛੇ ਗੰਦੀ ਰਾਜਨੀਤੀ ਹੈ। ਮੂਸੇਵਾਲਾ ਵਰਗੇ ਬੱਚੇ ਦੀ ਸੁਰੱਖਿਆ ਵਾਪਸ ਲੈ ਲਈ ਗਈ ਪਰ ਗੈਂਗਸਟਰਾਂ ਨੂੰ ਜ਼ੈੱਡ ਪਲੱਸ ਸੁਰੱਖਿਆ ਦਿੱਤੀ ਗਈ।
ਜੇਲ੍ਹ ਮੰਤਰੀ (ਹਰਜੋਤ ਬੈਂਸ) ਕਿਸੇ ਸਮੇਂ ਮੈਨੂੰ ਗੁਰੂ ਕਹਿੰਦੇ ਸਨ। ਮੈਂ ਪੁੱਛਦਾ ਹਾਂ ਕਿ 10 ਰੁਪਏ ਤਾਂ ਜੇਲ੍ਹ ਅੰਦਰ ਜਾਂਦੇ ਨਹੀਂ 2 ਹਜ਼ਾਰ ਰੁਪਏਦੀ ਪੁੜੀ ਕਿਵੇਂ ਚਲੀ ਜਾਂਦੀ ਏ । ਅਮਰੀਕਾ, ਕੈਨੇਡਾ ਸਮੇਤ ਵਿਦੇਸ਼ਾਂ ਦੀਆਂ ਜੇਲ੍ਹਾਂ ਅੰਦਰ ਸੈਟੇਲਾਈਟ ਲਗਾਏ ਗਏ ਹਨ। ਸਾਡੇ ਕੋਲ 2ਜੀ ਜੈਮਰ ਹਨ ਅਤੇ ਗੈਂਗਸਟਰਾਂ ਕੋਲ 5ਜੀ ਫੋਨ ਹਨ।
ਪੰਜਾਬ ਦੀ ਜੇਲ੍ਹ ਅਪਰਾਧਾਂ ਲਈ ਸੁਵਿਧਾ ਕੇਂਦਰ ਬਣ ਚੁੱਕੀ ਹੈ। ਇਹ ਸੁਧਾਰ ਘਰ ਨਹੀਂ ਰਿਹਾ। ਗੈਂਗਸਟਰ (ਲਾਰੈਂਸ) ਜੇਲ੍ਹ ਤੋਂ ਇੰਟਰਵਿਊ ਦੇ ਰਿਹਾ ਹੈ। ਜੇਲ੍ਹਾਂ ਵਿੱਚ ਇੱਕ ਜਰਦੇ ਦੀ ਪੁੜੀ ਲਈ ਨਿਯਮ ਦੇ ਉਲਟ, ਅੰਡਰ ਟਰਾਇਲ ਕੈਦੀਆਂ ਨੂੰ ਸਾਰਾ ਦਿਨ ਕੰਮ ਲਾਇਆ ਜਾਂਦਾ ਹੈ। ਮੂਸੇਵਾਲਾ ਦਾ ਬਾਪ ਪੂਰੇ ਪੰਜਾਬ ਦਾ ਬੋਝ ਲੈ ਕੇ ਘੁੰਮ ਰਿਹਾ ਹੈ।
ਵੱਡੀਆਂ ਤਾਕਤਾਂ ਪੰਜਾਬ ਨੂੰ ਅਸ਼ਾਂਤ ਦਿਖਾ ਰਹੀਆਂ ਹਨ
ਏਨੇ ਵੱਡੇ ਹਥਿਆਰ ਲਿਆਏ। ਮੂਸੇਵਾਲਾ ਨੂੰ ਮਾਰ ਕੇ ਫ਼ਰਾਰ ਹੋ ਗਏ। ਇਹ ਪੰਜਾਬ ਨੂੰ ਬਦਨਾਮ ਕਰਨ ਦੀ ਸਾਜ਼ਿਸ਼ ਹੈ ਕਿ ਇੱਥੇ ਕਾਨੂੰਨ ਵਿਵਸਥਾ ਨਹੀਂ ਹੈ। ਡੀਜੀਪੀ ਦਾ ਬਿਆਨ ਹੈ ਕਿ ਰੋਜ਼ਾਨਾ 2 ਮਰਦੇ ਹਨ। ਸ਼ਹਿਰ ਕੀ ਚਾਹੁੰਦਾ ਹੈ, ਇਹ ਸ਼ਾਂਤੀ ਅਤੇ ਕਾਰੋਬਾਰ ਚਾਹੁੰਦਾ ਹੈ।
ਪਰ, ਵੱਡੀਆਂ ਸ਼ਕਤੀਆਂ ਇਹ ਦਿਖਾਉਣਾ ਚਾਹੁੰਦੀਆਂ ਹਨ ਕਿ ਦੂਜੇ ਰਾਜਾਂ ਵਿੱਚ ਸ਼ਾਂਤੀ ਹੈ, ਪਰ ਜਿੱਥੇ ਉਨ੍ਹਾਂ ਕੋਲ ਸੱਤਾ ਨਹੀਂ ਹੈ, ਉੱਥੇ ਹਾਲਤ ਬਹੁਤ ਖਰਾਬ ਹੈ। ਇਸ ਦਾ ਕੀ ਅਸਰ ਹੈ, ਕਾਰੋਬਾਰ ਠੱਪ ਅਤੇ ਨਿਵੇਸ਼ ਸਿਰਫ਼ ਕਾਗਜ਼ਾਂ ‘ਚ ਹੀ ਹੈ। ਪੰਜਾਬ ਵਿੱਚ ਪ੍ਰਦਰਸ਼ਨ ਹੋ ਰਹੇ ਹਨ। ਪੰਜਾਬ ਮੁੜ ਆਰਥਿਕ ਵਿਕਾਸ ਦੀ ਲੀਹ ‘ਤੇ ਹੈ l
ਸਿੱਧੂ ਨੇ ਭਗਵੰਤ ਮਾਨ ਨੂੰ ਕਿਹਾ ਕਿ ਪੰਜਾਬ ਪੁਲਿਸ ਵਿੱਚ ਕਈ ਕਾਬਲ ਲੋਕ ਹਨ। ਉਹ (ਕੁੰਵਰ ਵਿਜੇ ਪ੍ਰਤਾਪ ਆਪ ਵਿਧਾਇਕ) ਜਿਸ ਨੂੰ ਮੈਂ ਮੁੱਖ ਮੰਤਰੀ ਨਾਲ ਲੜਨ ਤੋਂ ਬਾਅਦ ਪੁਲਿਸ ਕਮਿਸ਼ਨਰ (ਸੀਪੀ) ਨਿਯੁਕਤ ਕੀਤਾ ਸੀ, ਉਹ ਤੁਹਾਡੇ ਨਾਲ ਲੜ ਰਿਹਾ ਹੈ। ਪੁਲਿਸ ਦੀ ਆਲੋਚਨਾ ਕਰੋ, ਹੱਥ ਬੰਨ੍ਹੋ ਤਾਂ ਪੁਲਿਸ ਕਮਜ਼ੋਰ ਹੋ ਜਾਵੇਗੀ। ਪੁਲਿਸ ਕਮਜ਼ੋਰ ਨਹੀਂ ਹੈ। ਹੁਕਮ ਪੁਲਿਸ ਨੂੰ ਕਮਜ਼ੋਰ ਕਰਦੇ ਹਨ। ਪੁਲਿਸ ਨੂੰ ਸੁਤੰਤਰਤਾ ਨਾਲ ਕੰਮ ਕਰਨ ਦਿਓ।
ਉਨ੍ਹਾਂ ਕਿਹਾ ਕਿ ਜੇਲ੍ਹ ਵਿੱਚ ਹੋਣ ਕਾਰਨ ਨਵਜੋਤ ਸਿੰਘ ਸਿੱਧੂ ਮੂਸੇਵਾਲਾ ਦੇ ਪਰਿਵਾਰ ਨੂੰ ਨਹੀਂ ਮਿਲ ਸਕੇ। ਹਾਲਾਂਕਿ ਉਨ੍ਹਾਂ ਦੀ ਹੈਂਡਲਰ ਟੀਮ ਨੇ ਉਨ੍ਹਾਂ ਦੇ ਟਵਿੱਟਰ ਅਕਾਊਂਟ ‘ਤੇ ਅਫਸੋਸ ਪ੍ਰਗਟ ਕੀਤਾ ਹੈ। ਇਸ ਦੇ ਨਾਲ ਹੀ ਨਵਜੋਤ ਕੌਰ ਸਿੱਧੂ ਨੇ ਇਹ ਵੀ ਕਿਹਾ ਸੀ ਕਿ ਇਹ ਖਬਰ ਸੁਣ ਕੇ ਨਵਜੋਤ ਸਿੰਘ ਸਿੱਧੂ ਬਹੁਤ ਦੁਖੀ ਹਨ। ਦੂਜੇ ਪਾਸੇ ਜੇਲ ਜਾਣ ਤੋਂ ਕੁਝ ਦਿਨ ਪਹਿਲਾਂ ਨਵਜੋਤ ਸਿੰਘ ਸਿੱਧੂ ਨੇ ਪੰਜਾਬ ਦੀ ਕਾਨੂੰਨ ਵਿਵਸਥਾ ‘ਤੇ ਸਵਾਲ ਖੜ੍ਹੇ ਕੀਤੇ ਸਨ।
