ਵਿਸ਼ਵ ਖ਼ੂਨਦਾਨ ਦਿਵਸ ਮੌਕੇ 110 ਖ਼ੂਨਦਾਨੀਆਂ ਨੇ ਕੀਤਾ ਖ਼ੂਨਦਾਨ
ਬਿਊਰੋ, ਪ੍ਰਾਈਮ ਪੋਸਟ ਪੰਜਾਬ / ਦਵਿੰਦਰ ਕੋਹਲੀ
ਬੁਢਲਾਡਾ : ਵਿਸ਼ਵ ਖ਼ੂਨਦਾਨੀ ਦਿਵਸ ਮੌਕੇ ਬੀਤੇ ਦਿਨੀਂ ਇਲਾਕੇ ਦੀਆਂ ਸੰਸਥਾਵਾਂ ਸਤੋਜ ਐਲੀਫੈਂਟਸ ਸਪੋਰਟਸ ਕਲੱਬ ਅਤੇ ਨੇਕੀ ਫਾਊਂਡੇਸ਼ਨ ਬੁਢਲਾਡਾ ਵੱਲੋਂ ਐੱਚ ਡੀ ਐਫ਼ ਸੀ ਬੈਂਕ ਬੁਢਲਾਡਾ ਦੇ ਪਰਿਵਰਤਨ ਸੀ ਐੱਸ ਆਰ ਪ੍ਰੋਜੈਕਟ ਦੇ ਸਹਿਯੋਗ ਨਾਲ ਸਥਾਨਕ ਡੀ.ਪੀ. ਜਿੰਮ ਵਿਖੇ ਇੱਕ ਸਾਂਝੇ ਤੌਰ ਉੱਤੇ ਵਿਸ਼ਾਲ ਖੂਨਦਾਨ ਕੈੰਪ ਦਾ ਆਯੋਜਨ ਕੀਤਾ ਗਿਆ। ਗੱਲਬਾਤ ਕਰਦੇ ਹੋਏ ਸਤੌਜ ਐਲੀਫੈਂਟਸ ਸਪੋਰਟਸ ਕਲੱਬ ਦੇ ਚੇਅਰਮੈਨ ਜਤਿੰਦਰ ਬਾਂਸਲ (ਜੀਤੂ), ਪ੍ਰਧਾਨ ਕਾਲਾ ਗੋਇਲ (ਸਤੋਜੀਆ) ਅਤੇ ਨੇਕੀ ਫਾਉਂਡੇਸ਼ਨ ਦੇ ਮੈਂਬਰਾਂ ਨੇ ਦੱਸਿਆ ਕਿ ਸੰਸਥਾ ਵੱਲੋਂ ਸਮੇਂ ਸਮੇਂ ਤੇ ਜਰੂਰਤ ਅਨੁਸਾਰ ਸਮਾਜ ਸੇਵਾ ਦੇ ਕੰਮ ਕੀਤੇ ਜਾਂਦੇ ਹਨ ਅਤੇ ਇਸ ਸਮੇਂ ਹਰ ਸਾਲ ਦੀ ਤਰ੍ਹਾਂ ਖੂਨਦਾਨ ਕੈੰਪ ਦਾ ਆਯੋਜਨ ਕੀਤਾ ਗਿਆ ਹੈ। ਮਾਨਸਾ ਸਰਕਾਰੀ ਬਲੱਡ ਬੈਂਕ ਤੋਂ ਮੈਡਮ ਸੁਨੈਣਾ ਮੰਗਲਾ ਨੇ ਦੱਸਿਆ ਕਿ ਸਰਕਾਰੀ ਬਲੱਡ ਸੈਂਟਰ ਮਾਨਸਾ ਵਿੱਚ ਚੱਲ ਰਹੀ ਖ਼ੂਨ ਦੀ ਕਮੀ ਦੀ ਪੂਰਤੀ ਲਈ ਇਹ ਕੈੰਪ ਸਹਾਈ ਹੋਵੇਗਾ। ਇਸ ਕੈੰਪ ਵਿੱਚ ਐੱਸ ਐੱਮ ਓ ਬੁਢਲਾਡਾ ਗੁਰਚੇਤਨ ਪ੍ਰਕਾਸ਼, ਤਹਿਸੀਲਦਾਰ ਬੁਢਲਾਡਾ ਬਲਕਾਰ ਸਿੰਘ ਅਤੇ ਸਹਾਇਕ ਡਾਇਰੈਕਟਰ ਯੁਵਕ ਸੇਵਾਵਾ ਵਿਭਾਗ ਮਾਨਸਾ ਖ਼ੂਨਦਾਨੀਆਂ ਦਾ ਹੋਂਸਲਾਂ ਵਧਾਉਣ ਲਈ ਵਿਸ਼ੇਸ਼ ਤੌਰ ਉੱਤੇ ਪਹੁੰਚੇ। ਆਪਣੀ ਜ਼ਿੰਦਗੀ ਵਿੱਚ 40 ਤੋਂ ਵੱਧ ਵਾਰ ਖ਼ੂਨਦਾਨ ਕਰਨ ਵਾਲੇ ਛਿੰਦਾ ਸਿੰਘ ਬਹਾਦਰ ਪੁਰ, ਗੱਗੀ ਸਿੰਘ, ਜਗਵਿੰਦਰ ਧਰਮਪੁਰਾ ਅਤੇ ਸੁਖਚੈਨ ਸਿੰਘ ਚੈਨੀ ਰੰਘੜਿਆਲ, ਅਤੇ ਖ਼ੂਨਦਾਨ ਕੈਂਪਾਂ ਵਿੱਚ ਲਗਾਤਾਰ ਸਹਿਯੋਗ ਪਾਉਣ ਸਦਕਾ ਸਤੌਜ ਕਲੱਬ, ਨੇਕੀ ਫਾਊਂਡੇਸ਼ਨ, ਐੱਚ ਡੀ ਐਫ ਸੀ ਬੈਂਕ ਨੂੰ ਸਿਹਤ ਵਿਭਾਗ ਪੰਜਾਬ ਵੱਲੋਂ ਵਿਸ਼ੇਸ਼ ਤੌਰ ਉੱਤੇ ਸਨਮਾਨਿਤ ਕੀਤਾ ਗਿਆ। ਕੈੰਪ ਵਿੱਚ 110 ਵਿਅਕਤੀਆਂ ਨੇ ਖੂਨਦਾਨ ਕੀਤਾ। ਸਾਰੇ ਹੀ ਖ਼ੂਨਦਾਨੀਆਂ ਨੂੰ ਸਨਮਾਨ ਚਿੰਨ੍ਹ ਅਤੇ ਸਰਟੀਫਿਕੇਟ ਨਾਲ ਸਨਮਾਨਿਤ ਕੀਤਾ ਗਿਆ। ਇਸ ਸਮੇਂ ਸਤੌਜ ਐਲੀਫੈਂਟਸ ਸਪੋਰਟਸ ਕਲੱਬ ਦੇ ਮੈਂਬਰ ਵਿਜੈ ਚਾਵਲਾ, ਸਚਿਨ ਸਿੰਗਲਾ, ਰੂਬਲ ਗੋਇਲ, ਸ਼ੰਟੂ ਗੋਇਲ, ਕੇ ਕੇ ਮਾਸਟਰ, ਰਾਜੀਵ ਮੀਤੁ, ਕ੍ਰਿਸ਼ਨ ਕੁਮਾਰ, ਗੋਰਾ ਲਾਲ, ਨਰੇਸ਼ ਐੱਮ ਸੀ, ਲੱਕੀ, ਅੰਕੁਸ਼, ਗੋਗੀ, ਨੇਕੀ ਫਾਊਂਡੇਸ਼ਨ ਟੀਮ, ਸਿਵਿਲ ਹਸਪਤਾਲ ਬਲੱਡ ਬੈਂਕ ਮਾਨਸਾ ਦੀ ਟੀਮ ਤੋਂ ਇਲਾਵਾ, ਐੱਚ ਡੀ ਐੱਫ ਸੀ ਬੈਂਕ ਤੋਂ ਗੁਰਦੀਪ ਸਿੰਘ ਅਤੇ ਟੀਮ, ਡੀ ਪੀ ਜਿੰਮ ਤੋਂ ਸੁਨੀਤ ਗਰਗ ਅਤੇ ਭੂਪਿੰਦਰ ਸਿੰਘ, ਸਿਵਲ ਹਸਪਤਾਲ ਤੋਂ ਹਰਬੰਸ ਲਾਲ, ਦਸ਼ਮੇਸ਼ ਅਕੇਡਮੀ ਤੋਂ ਹਰਜੀਵਨ ਸਿੰਘ ਸਰਾਂ, ਸਰਪੰਚ ਜਗਦੀਸ਼ ਸਿੰਘ ਕੁਲਾਣਾ, ਅਤੇ ਸ਼ਹਿਰ ਦੇ ਹੋਰ ਪਤਿਵੰਤੇ ਹਾਜ਼ਰ ਸਨ।
